BISHTI I
MAJMUNIT
DHE GJOKSI
I SHQIPTARES MONICA BELLUCHI
Zotërinj
predikues fetar që po na i lodhni veshët:
Nuk duam te
dëgjojmë prej jush as për Zotin e as për Dreqin! Kjo or miq, jo se ju jeni
misionarë të fesë, për te cilën paguheni jo pak me para arabe, kjo është puna
juaj se sa e shisni lëkurën, por që ti marrësh me radhë te gjitha listat
shqiptare të internetit e të bëni propaganda fetare çoroditëse për të na shplarë trutë, kjo është fort e
mërzitshme.
Të nderuar
miq, se e kemi prejardhjen nga bishti i majmunit të Çarl Darvinit, apo ndonjë
bisht jeniçeri nga Anadolli, nga ndonjë romak qejfli që nuk ja ka përtuar ca
punëve me gratë ilire (estakfurullah), a diç tjetër, na lini rehat se është
dëshira e gjithkujt të besoj çfarë të dojë. Të besoj në Krisht, Muhamed, në gur
apo dru, ta konsideroje bishtin e majmunit si paraardhësin e vet a ta shpallë
malin e Tomorit si perëndi apo dhe më tej në grotesk, ta shpallë macen e
shtëpisë si shenjtore a dacin e vet si profet të Industanit. Puna e
gjithsecilit.
Iku koha e
predikatorëve të dhunshëm, kësisoj siç bën ju që insistoni nëpër faqe interneti.
Ju lutem largohuni qe këtej se interneti nuk është faltore. Këtu jemi
për qejf (qejf o qejf qe bën dervishi pi raki me kofsha mishi) e jo për
devocion, dhe po kam frike se këtu ka ca tema që ua prishin oreksin ju si
besimtarë fort i fanatizuar. Ta zëmë, si i mendoni ju marrëdhëniet
seksuale të adoleshentëve, o Agallarë fanatike me mjekër, se është vërtetë
problem që nuk e zgjidhin dot shartet e fesë, se seksi lidhet me lezetin e
trupit e jo me mendimin e trurit, ndaj ju mbetën me barrë vajzat që 15 vjeç.
Po për
gjoksin tundues të shqiptares së Italisë Monica Belluchit çfarë mendoni, o
njerëz me mendje Anadoll...lëng goja na lëshon jo vetëm neve që nuk jemi shumë
të devotshëm në shartet e fesë...Ju mund ta konsideroni punë të satanit atë
gjoks, por bota e qytetruar e konsideron simbolin e bukurisë e të mrekullisë së
jetës. Interneti
është një forum publik dhe si i tillë nuk ka vend për njerëz misionarë te
fanatizuar si puna juaj. Se ta zëmë a mund të shkosh tek ndonjë lokal tymi në
Tiranë e të predikosh fenë aty ku ja fusin me birre e raki e nuk po
pyesin a hahet apo nuk hahet bërxolla pork-kaurr-derri...por lëpijnë edhe
gishtat pa pyetur për mësimet tuaja të thella morale të mosngrënjes së thiut.
Bekuar qoftë!
E nëse këto
portalet ju kanë dhënë dritën jeshile për ta kthyer këtë internet-klub në
faltore(!!!) fanatikësh e misionarësh të paguar nga Arabia, unë po dal e iki se
nuk dëgjoj dot predikime të mërzitshme anadollake. Më dhemb koka. Boll ma për
5OO vjet turqizma, pas aq vjet bizantinizma e diç më tepër romainizma...
Feja e
shqiptarit është shqiptaria. Na quani çfarë të doni, nuk ka forcë në këtë botë
të na lozë prej kësaj ideje, prandaj mos u lodhni kot, mos çani dërrasa, mos
rrihni ujë në havan, mos me rokanisni kokën. Pastaj, eh,
pastaj...ne jemi shejtanër qejflinj, o Agallarë të fisit të mamlykëve me
bylyzykë në hundë, o fetarë të thekur, si po rrini në mes nesh ca të përvuajtur
të perëndisë si ju. Meazallah!
Ndaj: Udha
e mbarë, o Agallarë! Na lini në qejfin tonë. A po del a po shkojmë?!
© Kol
Shkodrani 2007
